खबर भेजे गवना के

बड़ा बेदर्दी सजना हमार, खबर भेजे गवना के।

अब लागे-ना जियरा हमार, खबर भेजे गवना के ।।.........

साइत सगुन बिनु चाहेला विदाई। ना जाने कब बोलावे चलि आई ।।

बिना संग लिहले डोलिया कहार। खबर भेजे...........

गुन ढंग नाहीं, ना कवनो गहनवां। उलझन में फँसल बहुत बाटे मनवां ।।

नाहीं कइनी हम सोरहो सिंगार ।। खबर............

माई-बाप रोवे रोवेला संग भाई। तनिको दरदिया ना जाने कसाई ।।

एकओ मानेना बतिया हमार ।। खबर.......

नदिया किनारे सजनवां के डेरा। भूत बयतलवा के जहवां बसेरा ।।

काँपे थर-थर जियरा हमार ।। खबर..........

चारि जने मीलि हमें पहुंचइहें। नदिया किनारे पर डोलिया सजइहें ।।

अगिया दे दीहे मुंहवा उघारि ।। खबर................