भउजी भेजि दीहऽ सवनवां में

भउजी भेजि दीहऽ भइया के सवनवां में। नाहीं अइने जबसे अइनी अगहनवां में।

राखी पर भेजि दीह अबकी ससुराल में। अगले साल हम आइबि हर हाल में ।।

राखी रोज ही बान्हेनी हम सपनवां में ।।.......

चाँद सुरुजवा समान हमार भइया। आरती उतारबि हम लेइबि बलइया ।।

बान्हि रखिया के धगवा अँगनवां में ।।...

राखी तऽ हउवे भउजी प्रेम के बन्हनवां। नाहीं चाहीं नेग सोना चानी के गहनवां ।।

भइया हउवे अनमोल सब रतरवां में ।।....

भाई बहिनिया के अमर रहे नाता। कवनो जनम साथ, छूटे ना बिधाता ।।

बान्हीं युगे युगे प्रेम की बन्धनवां में ।।.......