Family Values
बोलिया पियार वाली
— राम बहादुर अधीर पिण्डवी
बलिया, गाजीपुर, देवरिया, बिहार वाली। लागे भोजपुरी बोलिया पियार वाली ।।
छपरा, सिवान, आरा, भोजपुर के बोलिया। बुढ़वा, जवान, लड़का बोले हम जोलिया ।।
बोली रउवां हउवे केतना विचार वाली, लागे भोजपुरी बोलिया पियार वाली ।।........
बाटी, चोखा, सतुआ के स्वाद बा निराला। भोजपुरी लोग होला बड़ा दिल वाला ।।
भूजा नीक लागे ताजा गोइंसार वाली, लागे भोजपुरी बोलिया पियार वाली ।।..........
बाति-बाति में होला जहवां गवनई। गवला बजवला में मस्त रहे मनई ।।
करें माई सब पर किरिपा सितार वाली, लागे भोजपुरी बोलिया पियार वाली ।।
प्रेम के अधीर होला इहवां के लोगवा। मेहनति के काम करे होखे नाही रोगवा ।।
खाके सकरकन्द सुथनी सुतार वाली, लागे भोजपुरी बोलिया पियार वाली ।।
Related
More from Family Values
जीवन परिचय
नाम : राम बहादुर 'अधीर पिण्डवी' पिता : (स्व०) श्री बसन्त पिण्डवी
दुलार के करी
हमरी माई अइसन हनके दुलार के करी। बिना स्वारथ के माई जइसन प्यार के करी ।। दुर्गा-देवी केतना देवता मनवली। तब जाके गोदिया में हमरा के पवली ।।
सगे भाई की तरे
सबकी दुख सुख में रहीं सगे भाई की तरे। तबो अरिया चलावे लोग कसाई की तरे ।। धरती की लोगवा के सुख पहुँचाईं। देके दवाई सबके रोगवा भगाईं ।।