जवानी कइसन

काम देश के ना आवे ऊ जवानी कइसन । राष्ट्र हित में ना जीये जिन्दगानी कइसन ।।

देशवा से हम बानी हमरा से देशवा। देला हिमालय हमके इहे सनदेशवा ।।

होखे जेइमे ना रवानी ऊ पानी कइसन । काम देश के

छँहिया पथिक जवनी पेड़ की छँहाला। देके उपहार फल, वृक्ष भी अघाला ।।

दान देश हित ना देला ऊ दानी कइसन । काम देश के......

सीमा पर डटल बाने जवन जवनवां। केतना बहादुर बाने देश के ललनवां ।।

जान देश हित ना देई ऊ बलिदानी कइसन । काम देश के......

शेखर, आजाद, भगत, झांसी के रानी। वीर हमीद दिहने देश हित कुरबानी ।।

बिना झांसी वाली रानी के कहानी कइसन । काम देश के