Village Life

किसान देवता

— राम बहादुर अधीर पिण्डवी

हमरी गउवां में बसेलऽ किसान देवता। केतना मनवा के साफ इनसान देवता ।।

खेत खरिहनवां में तोहरो ठिकनवां। धोती कुर्ता मथवा पर पगड़ी निसनवां ।।

हरदम बदरा देखेलऽ आसमान देवता ।। हमरी गउवां..........

धूप गर्मी जाड़ा बरसात नाही देखऽ। दिन नाही देखऽ तू राति नाही देखऽ ।।

तोहके मेहनति मिललऽ वरदान देवता ।। हमरी

अन्न उपजाइ भरि देलऽ तू बखरिया। गउवां से गेहूंआ तू भेजेलऽ शहरिया ।

हउव देशवा के हमरी तू शान देवता ।। हमरी.......

--- PAGE 65 ---

दूध दही के तूही नदिया बहावेलऽ । खेतवा में अनजा तूही उपजावेल ऽ ।।

तोहार सबसे अलग पहिचान देवता ।। हमरी.....

सिमवा पर डटल रहे तोहरे ललनवां। देशवा की खातिर लुटावेने परनवां ।।

नाही केहू से तोहार कम मान देवता ।। हमरी गउवां के.........