बहेला विकास के बेयरिया

अब बहेला विकास के बेयरिया, शहरिया से कम नाही गउवां।

जरे बिजुली दुवरिया-दुवरिया। शहरिया से कम नाही गउवां ।।

टेलीफोन गाँव-गाँव अब तऽ लगेला । प्राथमिक स्वास्थ्य केन्द्र गाँव में खुलेला ।।

टी.वी., रेडियो से मिलेला खबरिया ।।.......

आधुनिक विधि से होखेला किसानी । खेतवा में चले टिउबेलिया से पानी ।।

बहे गउवां की नियरे नहरिया ।।.........

इन्दिरा आवास संडास सरकारी। बनि गइल गाँव में गरीब की दुआरी ।।

अब जाली नाही बहरे मेहरिया ।।.......

रोजी रोजगार खातिर करजा मिलत बा। गाँव के विकास खातिर बैंक खुलत बा ।।

मति जा साहूकार की दुअरिया ।।.........